Momčilo Popadić: Svoju zvizdu slidin

I je, sve ste u pravu i možete se žalit Uredniku, Novini i meni pa će van opet svi dat za pravo, a neće Van nikako priznat: dvadesetak (ako ne i više!) san škoja proša, a na nijednomu nisan bi dva puta, ma na Korčuli jesan!

I jesan.

Bilo mi je drago!!

I ni me sram.

Jerbo, nisan jan kriv što se jedino u Blatu na Korčuli (blizu Prigradice) igra svakoga godišća Kumpanjija, na dan (oli “na vižiju”, što bi Splićani rekli “u žežin”) oslobođenja Blata, a naročito nisan kriv što se ovega godišća događa i – Kombatimenat!

Pa neću poć na Kumpanjiju?!

Putuju brodi priko mora

Putuju, naravski, brodi priko mora, a za doć u Blato vaja se uspet na trajekt “Lastovo”, trpit do Vela Luke (i priko nje) i onda se ćapat kuće. Vaja doć Doma!

Još ni lipanj, ma su se lipe movi...