Šeta ti tako po Rivi jedan naš par u godinan, držidu se šotobraco i komentiradu sve šta usput vididu, nima šta oni neznadu.
Vidiš, kad greš učinit đir priko grada, normalno je da’š prođirat po Rivi, to nan je ka tinel, dnevni boravak grada.
Je, čin ti je misto uz more, lipo jemaš porat, rivu. I naravski, brode…
A svašta ti je i ova naša Riva vidila. Znaš li da je ovod, di mi sad šetamo, jedan put prolazija i jedan pravi car?
Dioklecijan?
Ma ne, on je samo gleda odozgar, sa svoje palače. Nego oni, kako se ono zva, ma oni mali crni iz Afrike, e, car Haile Selasije, iz Etiopije. Ja san još bi dite, čini mi se tamo negdi 1954., doveja ga je drug Tito na svome Galebu. Iz škole su nas vodili da mašemo bandirican.
Ja isto mislin da nikad ni bilo više brodic u porat nego ka...